سر يا قلم واكتب معانـات مجـروح
مجـروح قلـب وزاد همـه عذابـه
ما له جدا يا كود يكتب على اللـوح
حروف حب ترجمت مـن كتابـه
مترجمه بإحساس من داخلالروح
روح بها حـب الحبيـب لأجابـه
اسمه ورسمه داخل القلب ما يـروح
اسم الحبيـب نبـض قلبـي جرابـه
ولا اللوم قلبي لو بـدا سـره يبـوح
صابـر ثـلاث سنيـن ممـا أصابـه
والدمع من عيني على خدي يسوح
ياما مسحـت الدمـع بيـن القرابـه
فكري تحير من عناء الوقت ما أروح
لقبـل سـواد الليـل همـه سرابـه
دون الحبيب قالـوا العلـم مطـروح
وان قلـت هـاوي زودوهـا طلابـه
قالوا ولد عمـه ولا عنـه بيـروح
باباً أنقفل بالوجـه يـوم ألخطابـه
من قولهم حسيت ان الروح بتـراوح
واللي بوسط الوجوف مااحد درابه
قضيت وقتي عندهم ضحك ومـزوح
والعالـم الله ويـش قلبـي غـدابـه
زادت جروحي جرح من قول لاتروح
المـوت شفتـه يـوم ودعـت بابـه
وهذا بقايا حب فـي قلـب مجـروح
سطر وعبر جـرح مـا بـه كتابـه
الجمعة فبراير 15, 2008 1:30 pm
